දකුණු කොරියාවේ E8 වීසා ක්‍රමය ඉකුත් රජයන් රැකියා ගිවිසුමක් හෝ නොමැතිව අනීතික අයුරින් පවත්වාගෙන ගොස් ඇතැයි විදේශ සේවා නියුක්ති කාර්යාංශයේ සභාපති කෝසල වික්‍රමසිංහ මහතා අද (24) අනාවරණ කළා.
ඒ අදාළ වීසා ක්‍රමවේදය යටතේ දකුණු කොරියාවට යෑමේ අපේක්ෂාවෙන් සිටින පිරිසක් විදේශ සේවා නියුක්ති කාර්යාංශය ඉදිරිපිට ආරම්භ කර ඇති සත්‍යග්‍රහයට ප්‍රතිචාර දක්වමින්.
E8 විසා ක්‍රමය යටතේ දකුණු කොරියාවේ රැකියා සඳහා පිටත්ව යාමේ අපේක්ෂාවෙන් සිටින පිරිසක් දින කිහිපයක සිට විවිධ අවස්ථාවන්වලදී බත්තරමුල්ල විදේශ සේවා නියුක්ති කාර්යංශය ඉදිරිපිටදී විරෝධතාවල නිරතවුණේ තමන්ට රැකියා සඳහා යෑමට ඇති අවස්ථාව බලධාරීන්ගේ නොසැළකිල්ල මත අහිමි වන බවට චෝදනා කරමින්.
එම විරෝධතාවන්ට කිසිදු ප්‍රතිචාරයක් නොලැබීම හේතුවෙන් ඔවුන් ඊයේ (23) පෙරවරුවේ එම ස්ථානයට පැමිණ යළිත් විරෝධතාවක නිරත වුණ.
පසුව පිරිස එහි තාවකාලික කූඩාරමක් ඉදිකිරීමට සූදානම් වුවද, පොලීසියෙන් ඊට බාධා එල්ල වුවද විරෝධකරුවන් එහි අඛණ්ඩ සත්‍යග්‍රහයක් ආරම්භ කරනු ලැබුවා.
මේ සම්බන්ධයෙන් ශ්‍රී ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ මහතා පවසා තිබුණේ මෙම E8 වීසා කාණ්ඩය පැවති රජයන් විසින් කොරියානු රජයේ පූර්ණ මැදිහත්වීමක් හෝ නොමැතිව විධිමත් ක්‍රමවේදයකින් තොරව පෞද්ගලික විදේශ රැකියා ආයතන හරහා ලබාගත් අවිධිමත් වීසා ඛාණ්ඩයක් බවයි.
මෙම වීසා සඳහා ශ්‍රී ලංකා විදේශ රැකියා නියුක්ති කාර්යංශයේ අනුමැතිය ලබාදීමට අවශ්‍ය මූලික සුදුසුකම් වන රැකියා ගිවිසුමක් හෝ නොමැති බවත්, දේශපාලනික අරමුණූ වෙනුවෙන් රැකියා අපේක්ෂකයින්ගෙන් මුදල් ලබාගෙන සිදුකර ඇති අනීතික ක්‍රමවේදයක් බවද ඔහු වැඩිදුරටත් පවසා තිබෙනවා.
කෙසේවෙතත්, සත්‍යග්‍රහයේ නිරත පිරිස් පවසන්නේ තම ගැටලුවට නිසි විසඳුමක් ලැබෙන තෙක් මෙම ක්‍රියාමාර්ගය අවසන් නොකරන බවයි.
