ජාත්යන්තර පාසල් අධීක්ෂණ සහ නියාමනය කිරීම සඳහා අධ්යාපන අමාත්යාංශය තුළ විශේෂ ඒකකයක් පිහිටුවීමට අධ්යාපන කටයුතු පිළිබඳව ආංශික අධීක්ෂණ කාරක සභාවේදී යෝජනා වී තිබෙනවා.
පාර්ලිමේන්තු සන්නිවේදන දෙපාර්තමේන්තුව නිවේදනය කළේ පසුගියදා පාර්ලිමේන්තුවේ පැවති ආංශික අධීක්ෂණ කාරක සභා සාකච්ඡාවේදී මෙම යෝජනාව ඉදිරිපත් වූ බවයි.
ශ්රී ලංකාව තුළ ක්රියාත්මක වන ජාත්යන්තර පාසල් සම්බන්ධව මෙන්ම පාසල් පද්ධතිය මඟින් සිසු දරුවන්ට ලබාදෙන අධ්යාපනය හා එහි ගුණාත්මකභාවය ඉහළ නැංවීම පිළිබඳව මෙහිදී සාකච්ඡා කර තිබෙනවා.
මෙහිදී ජාත්යන්තර පාසල් සහ අධ්යාපන අමාත්යාංශය යටතේ නොපවතින අනෙකුත් පාසල් නියාමනය කිරීම සදහා අවශ්ය නිර්නායක ජාතික අධ්යාපන කොමිෂන් සභාව විසින් සකස් කරමින් පවතින බවද අනාවරණය වුණා.