ද්විත්ව බදුකරණය වැළැක්වීම සහ රාජ්‍ය මූල්‍ය පැහැර හැරීම හා මග හැරීම වැළැක්වීම සඳහා ශ්‍රී ලංකා රජය සහ ඔස්ට්‍රියානු රජය අතර වන සම්මුතිය අත්සන් කිරීම සඳහා කැබිනට් අනුමැතිය හිමිව තිබෙනවා
ශ්‍රී ලංකා රජය සහ ඔස්ට්‍රියානු රජය අතර ආදායම් මත සහ ප්‍රාග්ධනය මත වූ බදු සම්බන්ධයෙන් ද්විත්ව බදුකරණය වැලැක්වීම සහ රාජ්‍ය මූල්‍ය පැහැර හැරීම හා මගහැරීම වැලැක්වීම සඳහා වන සම්මුතිය කෙටුම්පත් කර, දෙරට බදු අධිකාරීන් සමඟ සාකච්ඡා කිරීමෙන් අනතුරුව නිලධාරි මට්ටමින් අත්සන් කර තිබෙන බව පැවසෙනවා.
එම සම්මුතියට අනුව ශ්‍රී ලංකාව මෑතකදී එළඹෙන ලද ද්විත්ව බදු වැළැක්වීමේ සම්මුතිවලට අනුකූලව, පොලී සහ රාජ්‍ය භාග සඳහා දළ මුදල් ප්‍රමාණයෙන් 10% නොවැඩි අනුප්‍රමාණයකින් බදු අය කරනු ලැබ තිබෙනවා.
එම සම්මුතිය සඳහා රාජ්‍ය මට්ටමින් අත්සන් තැබීමටත්, අත්සන් කරනු ලබන සම්මුතිය සහ සන්ධාන පත්‍රය 2017 අංක 24 දරන දේශීය ආදායම් පනතේ විධිවිධාන පරිදි පාර්ලිමේන්තුව වෙත ඉදිරිපත් කිරීමටත් මුදල්, ආර්ථීක ස්ථායීකරණ සහ ජාතික ප්‍රතිපත්ති අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබුණා.
