එංගලන්ත තරග සංචාරය අතරතුර විනය විරෝධී ලෙස හැසිරුණු කුසල් මෙන්ඩිස්, නිරෝෂන් දික්වැල්ල සහ ධනුෂ්ක ගුණතිලක යන ක්රීඩකයින් තිදෙනාට එරෙහි විනය පරීක්ෂණය පැවැත්වීම සඳහා ශ්රී ලංකා ක්රිකට් ආයතනය පස්දෙනෙකුගෙන් යුත් විනය කමිටුවක් පත් කර තිබෙනවා.
එහි ප්රධානියා වන්නේ විශ්රාමික ශ්රේෂ්ඨාධිකරණ විනිසුරුවරයෙකු වන නිමල් දිසානායක මහතායි.
නීතීඥ පණ්ඩුක කීර්තිනන්ද, නීතීඥ අසේල රැකව, නීතීඥ උචිත වික්රමසිංහ සහ විශ්රාමික මේජර් ජෙනරාල් M. R. W. ද සොයිසා යන මහත්වරුන් විනය කමිටුවේ සෙසු සාමාජිකයන් වනවා.
කුසල් මෙන්ඩිස්, නිරෝෂන් දික්වැල්ල සහ ධනුෂ්ක ගුණතිලක හට මේ වන විට සියලු ආකාරයේ ක්රිකට් තරඟ සඳහා තාවකාලික තහනමක් පනවා තිබෙනවා.