ශ්‍රී ලංකාව ලෝකයේ මිත්‍රශීලී රටවල් දහය අතරට 2022 පාඨක තේරීම් සම්මාන උළෙලේ දී තේරී පත්ව තිබෙනවා.
Condé Nast Traveler නිල වෙබ් ඩවියේ 2022 පාඨක තේරීම් සම්මාන උළෙලේ දී, මිත්‍රශීලී පුද්ගලයින්ගේ නිවහන ලෙස ඔවුන් සලකන රටවල් සඳහා ඡන්දය ප්‍රකාශ කරන ලෙස ඔවුන් පාඨකයන්ගෙන් ඉල්ලා සිටි අතර ඔවුන්ගේ මනාපය අනුව මිත්‍රශීලී රටවල් දහය තෝරා ගෙන තිබෙනවා.
“ළමයින්ගේ සිට මහලු අය දක්වා, ශ්‍රී ලංකාවේ මිනිසුන් අමුත්තන්ට ඇති ආදරය සහ උපකාර කිරීමට ඇති අවංක ආශාව සඳහා ප්‍රසිද්ධය. දකුණු වෙරළ තීරයේ, මිරිස්සේ තල්මසුන් නැරඹීමේ ගවේෂණ චාරිකාවක යාත්‍රා කරන්න, ගාල්ල කොටුව නගරයේ වර්ණවත් බුටික් සාප්පු සවාරි යන්න අවස්ථාව තිබෙනවා. ඒ වගේ ම අවිනිශ්චිත වංගු සහිත මාර්ග ඔබව රටේ තේ වතුවල හදවත වෙත ගෙන යාවි. නැතහොත්, දුර ඈත දර්ශන සඳහා සීගිරි පර්වතය තරණය කරන්න.” යැයි එහි සඳහන්.
එම ලැයිස්තුව පහතින්,
- ප්‍රංශ පොලිනීසියාව
- කොලොම්බියාව
- නවසීලන්තය
- තායිලන්තය
- කොස්ටාරිකාව
- බොට්ස්වානා
- පේරු
- බෙලීස්
- ශ්‍රී ලංකාව
- පිලිපීනය
