ආසියානු ක්‍රීඩා උළෙලේ කාන්තා ක්‍රිකට් රිදී පදක්කම ශ්‍රී ලංකාවට

චීනයේ පැවත්වෙන  ආසියානු ක්‍රීඩා උළෙලේ කාන්තා ක්‍රිකට් රිදී පදක්කම චමරි අතපත්තුගේ නායකත්වයෙන් යුත් ශ්‍රී ලංකා කාන්තා ක්‍රිකට් කණ්ඩායම අද (25) හිමිකර ගැනීමට සමත් වුණා.

ශ්‍රී ලංකාව සහ ඉන්දියාව අතර අද පැවැති අවසන් මහ තරඟයෙන් ඉන්දීය කාන්තා කණ්ඩායම ලකුණු 19 කින් ජය ලැබූ අතර ඒ අනුව,ඉන්දීය කණ්ඩායම එහි රන් පදක්කම දිනාගත්තා.

ජයග්‍රහණය සඳහා ලකුණු 117 ක ඉලකක්ය හඹාගිය ශ්‍රී ලංකා කාන්තා පිලට ඕවර 20 අවසානයේ කඩුලු 8 ක් දැවී රැස්කළ හැකි වූයේ ලකුණු 97 ක් පමණයි.

ඉන්දීය කාන්තා ක්‍රිකට් පිල ඕවර 20 කදී කඩුලු 7 ට ලකුණු 116ක් රැස් කර ගැනීමට සමත්ව තිබුණා. (ස්ම්රිටි මන්දානා 46, ජෙමීමා රොද්‍රිගුස් 42, උදේෂිකා ප්‍රබෝදනී 16/2, සුගන්දිකා කුමාරි 30/2, ඉනෝකා රණවීර 21/2)

මේ අතර, ශ්‍රී ලංකා කාන්තා ක්‍රිකට් පිල ඕවර 20 කදී කඩුලු 8 ට ලකුණු 97ක් රැස් කර ගෙන තිබුණා. (චමරි අතපත්තු 12, හසිනි පෙරේරා 25, නිලක්‍ෂි ද සිල්වා 23, ඕෂදී රණසිංහ 19, ටිටාස් සධූ 6/3, රාජේෂ්වරී ගයක්වාඩ් 20/2)