ශ්‍රී ලංකා කණ්ඩායම 2024 හොංකොං සික්සර්ස් ක්‍රිකට් තරගාවලියේ අවසන් පුර්ව වටයට සුදුසුකම් ලබා ගෙන තිබෙනවා.
ඒ, අර්ධ අවසන් පුර්ව වටයේදී නේපාලය ලකුණු 40කින් පරාජයට පත් කරමින්.
තරගයේ පළමුවෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 6 අවසානයේ කඩුලු 2ක් දැවී ලකුණු 123ක් රැස් කළා.
විශිෂ්ට ඉනිමක් ක්‍රීඩා කළ ආරම්භක පිතිකරු සදුන් වීරක්කොඩි ලකුණු 50යි.
පිළිතුරු ඉනිම ක්‍රීඩා කළ නේපාල කණ්ඩායම කඩුලු 6ක් දැවී රැස් කළේ ලකුණු 83ක් පමණයි.
පන්දු යැවීමේදී ලහිරු සමරකෝන් සහ තරිදු රත්නායක කඩුලු 2 බැගින් බිඳ හෙළීමට සමත් වුණා.
තරගාවලියේ අවසන් පුර්ව වටයේ තරග හෙට (03) පැවැත්වීමට නියමිතයි.
