මේ වන විට කොවිඩ් 19 වෛරසය ආසාදනය වී ඇති බව තහවුරු වී සිටින මෙරට ජනප්‍රිය නළුවාගේ සොහොයුරියටත් කොවිඩ් වෛරසය ආසාදනය වී ඇත.
ඔහුගේ සොහොයුරිය මෙරට පධාන නාළිකාවක නිවේදිකාවක් වන අතර ඇය පීසීආර් පරීක්ෂණය සිදු කිරීමෙන් අනතුරුව නිවසේ නිරෝධායනය නොවී ස්ථාන කිහිපයකට වරින් වර ගොස් ඇති බව වාර්තා වේ.
අදාල නළුවාට කොවිඩ් යැයි තහවුරුවීමෙන් පසු ඔහු සමඟ මහනුවර රෑගත කිරීමක් සඳහා ගිය ටෙලිනාට්‍යක නළු නිලියන් රැසක්, එහි අනෙක් කාර්ය මණ්ඩලය සහ ඔවුන් නැවතී සිටි හෝටලයේ සේවයන් කිහිපදෙනෙක් නිරෝධායනයට යොමු කර ඇත.
කෙසේ වෙතත් ඔහුගේ සොහොයුරිය ගමන් කළ ස්ථානද මේ වන විට හඳුනාගෙන ඇති අතර අදාල ස්ථානවල පුද්ගලයන්ද නිරෝධායනයට යොමු කර ඇති බව වාර්තා වේ.
කෙසේ වෙතත් අදාල නළුවාගේ නිවසේ කුඩා උපන්දින සාදයක්ද පවත්වා ඇති බව වාර්තා වන අතර පවුලේ සාමාජිකයන් සහ වෙනත් පුද්ගලයන් කිහිපදෙනෙක් එම උත්සවයට සහභාගී වී ඇත.
