කලාකරුවන් සදහා සාම විනිසුරු පත්වීම් ලිපි බෙදා දීමේ වැඩසටහනක් අද (10) පැවැත්වුණා.
අධිකරණ, බන්ධනාගාර කටයුතු සහ ආණ්ඩුක්රම ව්යවස්ථා ප්රතිසංස්කරණ අමාත්ය ආචාර්ය විජයදාස රාජපක්ෂ මහතා විසින් හඳුන්වා දුන් සංකල්පයක් යටතේ ශ්රී ලාංකික කලාකරුවන් වෙත සාම විනිසුරු පදවිය පිරිනැමීමට අධිකරණ අමාත්යාංශය පියවර ගෙන තිබෙනවා.
ඒ අනුව, දේශීය කලා ක්ෂේත්රයේ උන්නතිය වෙනුවෙන් තම කුසලතාවලින් සහ නිර්මාණශීලීත්වයෙන් දායක වූ කලාකරුවන් 120 දෙනෙකුට වැඩසටහනේ පළමු අදියර යටතේ සාම විනිසුරු පත්වීම් පිරිනැමුණා.
එහිදී සමස්ත දිවයිනම ආවරණය වන පරිදි සිනමාව, වේදිකා, රූපවාහිනී, ටෙලි නාට්ය, සංගීතය, ගායනය, ගීත රචනය ආදී ක්ෂේත්රවල ප්රවීණ කලාකරුවන් වෙත සාම විනිසුරු පදවිය පිරිනමා තිබෙනවා.
අමාත්ය විජේදාස රාජපක්ෂමහතාගේ ප්රධානත්වයෙන් අධිකරණ අමාත්යංශ ශ්රවනාගාරයේදී පැවැත්වුණු මෙම වැඩසටහනට මහාචාර්ය මුදියන්සේ දිසානායක,මිහිර සිරිතිලක,රජිව් සෙබස්තියන්,විනු සිරිවර්ධන,නිලන්ති ඩයස් ඇතුලු කලා කරුවන් රැසක් මෙම අවස්ථාවට සහභාගී වී සිටියා.