HIV ඒඩ්ස් ආසාදිතයන් හඳුනාගැනීමට සිදුකරන පරීක්ෂණ නවතා දැමීමට සිදුව ඇතැයි සමස්ත ලංකා හෙද සංගමය පවසනවා.
ඒ, පරීක්ෂණ කට්ටල හිඟය හේතුවෙන්.
අද කොළඹදී පැවති ප්‍රවෘත්ති සාකච්ඡාවකට එක්වෙමින් එම සංගමය පැවසුවේ මේ හේතුවෙන් රට තුල සමාජ රෝග බෝවීමේ දැඩි අවධානමක් මතුව ඇති බවයි.
මේ අතර, වසරේ ගත වූ මාස නවය තුළ HIV ආසාදිතයින් 24 දෙනෙකු හඳුනාගෙන ඇති අතර ආසාදිතයින් 24 දෙනාගෙන් 4 දෙනෙකු මියගොස් ඇති බව අනුරාධපුර ලිංගික සෞඛ්‍ය සේවා මධ්‍යස්ථානයේ ජ්‍යෙෂ්ඨ වෛද්‍ය නිලධාරී වෛද්‍ය හේමා වීරකෝන් පවසනවා.
පසුගිය වසර හා සසඳන විට දිස්ත්‍රික්කයේ එච්.අයි.වී රෝගීන්ගේ ප්‍රතිශතය මේ වසරේ වාර්තා වූ ඉහළම අගය බවයි ඇය පවසන්නේ.
ඉන් හත් දෙනෙකු සමලිංගික සබඳතා හේතුවෙන් රෝගයට ගොදුරු වූ පිරිමින් බවද වෛද්‍යවරිය පෙන්වා දෙනවා.
රුධිර පාරවිලයනයට පෙර සිදුකළ රුධිර සාම්පල පරීක්‍ෂණවලදී රුධිර පරිත්‍යාගශීලීන්ගෙන් 20%ක් ඒඩ්ස් රෝගීන් බව අනාවරණය වූ බවද ඇය වැඩිදුරටත් පවසනවා.
