වැලිකඩ හා අනුරාධපුරයේ බන්ධනාගාරවල පසුගිය 12 වනදා සිදුවූ සිදුවීම්වලට අදාළව බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ලොහාන් රත්වත්තේ මහතා සිය ධූරයෙන් ඉල්ලා අස්වී තිබෙනවා.
ඒ ජනාධිපතිවරයා වෙත ලිපියක් යොමු කරමින්.
වැලිකඩ බන්ධනාගාරයේදී බීමතින් කලහකාරී ලෙස හැසිරීමත් අනුරාධපුර බන්ධනාගාරයට ඇතුළු වී ගිනි අවියක් පෙන්වා සිරකරුවන්ට යම් හිංසනයක් පැණවීමත් යන කාරණා සම්බන්ධව මාධ්‍ය ඔස්සේ රාජ්‍ය අමාත්‍යවරයාට චෝදනා කර සිටියා.
එම කරුණ හේතුවෙන් රජය අපහසුතාවයට පත් නොකොට තමා සිය රාජ්‍ය අමාත්‍යධූරයෙන් ඉල්ලා අස්වීමට තීරණය කළ බවයි එම ලිපියේ දැක්වෙන්නේ.
මේ අතර ජනාධිපති මාධ්‍ය ඒකකය නිවේදනය කරන්නේ ලොහාන් රත්වත්තේ මහතාගේ ඉල්ලා අස්වීමට අදාළ ලිපිය ජනාධිපති ගෝඨාභය රාජපක්ෂ මහතා පිළිගෙන ඇති බවයි.
