හිටපු බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ලොහාන් රත්වත්තේ විසින් අනුරාධපුර බන්ධනාගාරයට ඇතුළු වී ගිණි අවියක් පෙන්වා සිරකරුවන්ට කිසියම් ආකාරයක හිංසාවන් පැමිණවීමේ සිද්ධියට දින තුනක් ගත වී ඇතත් මෙතෙත් අදාල සිරකරුවන්ගෙන් කිසිදු ප්රකාශයක් ලබාගෙන නොමැති බව The Morning වාර්තා කරනවා.
පුවත්පත විසින් විමසීමේදී බන්ධනාගාර කොමසාරිස් ජනරාල් තුෂාර උපුල්දෙණිය මහතා පවසා ඇත්තේ තවමත් පරීක්ෂණයක් ආරම්භ කර නොමැති අතර හෙට දිනය වන විට අදාළ සිරකරුවන්ගෙන් ප්රකාශ ලබා ගැනීමට බලාපොරොත්තු වන බවයි.
එමෙන්ම රත්වත්තේගේ ක්‍රියාවන් ප්‍රතික්ෂේප කළ බවට තමන් මීට පෙර සිදු කළ ප්රකාශයක් සම්බන්ධයෙන් පළවී ඇති මාධ්‍ය වාර්තා සම්බන්ධයෙන් අදහස් දක්වමින් “මම කිව්වේ ජනමාධ්ය කියන සියල්ල නිවැරදි නොවන බව පමණයි” යැයි ඔහු පවසා තිබෙනවා.
තමන් විසින් සිදු කළ ක්‍රියාවන් සම්බන්ධයෙන් වරද භාරගනිමින් ලොහාන් රත්වත්තේ විසින් සිය බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ධූරයට අද සමු දුන්නා.
කෙසේ නමුත් ඔහු තවදුරටත් සිය මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍ය ධූරයේ තව දුරටත් රැඳී සිටිනු ඇති.
