විහාර දේවාලගම් පනතේ සංශෝධන කඩිනමින් සම්මත කර ගැනීමට පියවර ගන්නා බව බුද්ධ ශාසන ආගමික කටයුතු හා සංස්කෘතික කටයුතු අමාත්‍යාංශය පවසනවා.
එහි ලේකම් ඒ.එච්.පී.එම්.බී අතපත්තු මහතා සඳහන් කළේ, පනතේ 41 හා 42 වගන්ති සංශෝධනය සම්බන්ධයෙන් මල්වතු අස්ගිරි මහානාහිමිවරුන්ගේ නිරීක්ෂණ මේ වනවිට අමාත්‍යංශයට ලැබී ඇති බවයි.
ඒ අනුව එම නිරීක්ෂණ ද ඇතුළත් කොට නීති කෙටුම්පත් සම්පාදක විසින් අවශ්‍ය සංශෝධන සිදු කර ඇති බව ඔහු ප්‍රකාශ කළා.
ඒවා නිතීපතිවරයා වෙත යොමු කර ලැබෙන අනුමැතියෙන් අනතුරුව සංශෝධන කැබිනට් මණ්ඩලය වෙත යොමු කිරීමට නියමිතයි.
ඉන් පසු විහාර දේවාලගම් පනතට ගෙන එන සංශෝධන පාර්ලිමේන්තුවට ඉදිරිපත් කෙරෙනු ඇති.
විහාර දේවාලගම් පනතේ පවතින අඩු පාඩු නිවැරදි කරමින් වර්තමානයට ගැලපෙන ලෙස නීති සංශෝධනය මෙම සංශෝධන හරහා සිදු කෙරෙන බව අමාත්‍යංශය ප්‍රකාශ කළා.
