මාධ්‍යවේදී චමුදිත සමරවික්‍රම මහතාගේ පිළියන්දල ගංගාරාම පාරේ පිහිටි නිවසට නාදුනන පිරිසක් විසින් ප්‍රහාරයක් එල්ලකර තිබෙනවා.
අද (14) අළුයම 2 ට පමණ සමරවික්‍රම මහතාගේ නිවස අසලට සුදු පැහැති මෝටර් රථයකින් පැමිණි පුද්ගලයින් තිදෙනෙක් මෙම ප්‍රහාරය එල්ලකර ඇති බව නිවසේ ආරක්ෂිත කැමරා දර්ශනවල සටහන්ව ඇති බව පොලීසිය සදහන් කරනවා.
පැමිණි පුද්ගලයින් නිවසට ගල් හා අසූචි ප්‍රහාරයක් එල්ලකර ඇති අතර ඉන් නිවසට සැලකිය යුතු අලාභහානියක් සිදුව තිබෙනවා.
මේ සම්බන්ධයෙන් අදහස් දක්වන චමුදිත සමරවික්‍රම මහතා පවසන්නේ ප්‍රහාරය එල්ලවන අවස්ථාවේදී වෙඩි ප්‍රහාරයක් එල්ලවන ශබ්දයද ඔහුට ඇසුණු බවයි.
එමෙන්ම නිවසට ඉන්ටර්ලොක් ගල්වලින්ද ප්‍රහාර එල්ලවූ බව ඔහු සදහන් කරනවා.
