වැටුප් ඉහළ දැමීම ඇතුළු ඉල්ලීම් කිහිපයක් මුල්කර ගනිමින් කැනඩාවේ තැපැල් වෘත්තිය සමිති වැඩ වර්ජනයක් ආරම්භ කර තිබෙනවා.
ඊට 55,000ක පමණ පිරිසක් එක්ව සිටින බව වාර්තා වන්වා.
විදෙස් මාධ්‍ය වාර්තා කරන්නේ, ඔවුන් දින 3ක් වැඩ වර්ජනයේ නිරත වීමට සැලසුම් කර ඇති බවයි.
ඔවුන් මෙලෙස වැඩ වර්ජනයක් ආරම්භ කර ඇත්තේ වසර 6කින් පසුව දෙවන වරට බව සඳහන් වනවා.
උද්ධමනය සහ ජීවන වියදම ඉහළ යාමට සමගාමීව වැටුප් ඉහළ දමන ලෙසට වැඩ වර්ජනයේ නිරත තැපැල් වෘත්තිකයින් ඉල්ලීම් කරනවා.
එමෙන්ම සේවා කිරීමට සුදුසු පරිසරයක් නිර්මාණය කර දෙන ලෙස දී ඔවුන් ඉල්ලා සිටිනවා.
තැපැල් සේවකයින්ට වසර 4ක් තුළ දී 11.5%ක වැටුප් ඉහළ දැමීමක් ලබා දීමට බලධාරීන් එකඟ වී තිබෙනවා.
කෙසේ වුවද එය ප්‍රමාණවත් නොවන බව වැඩ වර්ජනයෙන් නිරත පිරිසගේ අදහස බව සඳහන් වනවා.
ඔවුන් ඉල්ලීම් කරන්නේ 22%ක් වැටුප් ඉහළ දමන ලෙසටයි.
