චීනයේ හටගත් භූ කම්පනයකින් පුද්ගලයින් 111 දෙනෙකු මියගොස් තිබෙනවා.
විදෙස් මාධ්‍ය වාර්තා කළේ, තවත් 220 දෙනෙකු පමණ තුවාල ලබා ඇති බවයි.
ඊයේ (18) මධ්‍යම රාත්‍රියේ චීනයේ ගන්සු ප්‍රාන්තයේ මෙම මැග්නිටියුඩ් ඒකක 5.9ක පොළොව අභ්‍යන්තරයේ කිලෝමීටර් 10ක් ගැඹුරින් මෙම භූ කම්පනයක් සිදුව තිබුණා.
ඉන් ගොඩනැගිලි සහ නිවාසවලට දැඩි හානි සිදු වූ අතර සුන්බුන් අතර සිරවූ පිරිස් මුදාගැනීම සඳහා මෙහෙයුම් ක්‍රියාත්මකයි.
ගන්සු පළාතේ ඇති වූ භූමිකම්පාවේ බලපෑම හේතුවෙන් අසල්වැසි චිංහායි පළාතේ ගොඩනැගිලිවලට ද හානි සිදුවී ඇති බවයි විදෙස් මාධ්‍ය වැඩිදුරටත් පැවසුවා.
