ප්‍රසිද්ධියේ සිදුවන ළමා හිංසනයක් සම්බන්ධයෙන් ස්වර්ණවාහිනී නාලිකාවට හා නිවේදක රංගන ද සිල්වා මහතා හට සමාජ මාධ්‍ය තුළ දැඩි විරෝධයක් එල්ලවෙමින් පවතිනවා.
ඒ හෙට (27) රාත්‍රියේ විකාශය වීමට නියමිත හිත ඉල්ලන තරු වැඩසටහන සම්බන්ධවයි.
මේ දිනවල සමාජ මාධ්‍ය තුළ වැඩි වශයෙන් සංසරණයවන වීඩියෝ පටයක දැක්වෙන්නේ පාසලක සිටින දරුවෙකුට ගුරුවරයෙක් දඩුවම් කිරීමට සූදානම් වන අවස්ථාවේදී තවත් දරුවෙකු පවසන්නේ සිය යහළුවාට නොව තමන්ට දඩුවම් කරන ලෙසයි.
එය වීඩියෝ ගත කර අදාළ ගුරුවරයා හෝ කිසියම් පුද්ගලයෙකු අදාළ වීඩියෝව සමාජ මාධ්‍ය වෙත මුදාහැර ඇති අතර ඊට විවිධ පාර්ශව වෙතින් විරෝධය එල්ලවනවා.
දරුවන්ට දඩුවම්කිරීම මෙලෙස වීඩියෝ ගත කිරීමත්, පාසල තුළ සිදුවන දෑ වීඩියෝ ගත කිරීමත්, අනවසරයෙන් දරුවන් වීඩියෝගත කර සමාජ මාධ්‍ය වෙත මුදාහැරීම යනාදී කරුණු රැසක් හේතුවෙන් මෙය ළමා හිංසනය යටතට ගැනෙන වරදක්ද වනවා.
එවැනි තත්ත්වයක් යටතේ මාධ්‍ය නාලිකාවක ප්‍රසිද්ධිය පිණිස එම දරුවාව සජීවී වැඩසටහනකට ගෙන්වා ලෝකයටම නිරාවරණය කිරීම පහත් ක්‍රියාවක් ලෙසට සමාජ මාධ්‍ය තුළින් ස්වර්ණවාහිනී නාලිකාව හා එම වැඩසටහන මෙහෙයවීමට නියමිත රංගන ද සිල්වා මහතාව විවේචනය කෙරෙනවා.
මේ සම්බන්ධයෙන් එල්ලවී ඇති විවේචන කිහිපයක් පහතින්,
