දිගින් දිගටම මතුවූ ජනතා විරෝධතා හමුවේ සුඩාන අග්‍රාමාත්‍ය අබ්දල්ලා හම්ඩොක් ධුරයෙන් ඉල්ලා අස්වී ඇති බව විදෙස් මාධ්‍ය වාර්තා කරනවා.
පසුගිය ඔක්තෝබර් මාසයේදී සිදුවූ හමුදා කුමන්ත්‍රණයකින් ඔහු බලයෙන් පහ කෙරුනා.
හමුදා කුමන්ත්‍රණයෙන් පසු, එවකට සුඩාන අන්තර්වාර රජයේ අග්‍රාමාත්‍ය ලෙස කටයුතු කරන අබ්දුල්ලා හැම්ඩොක් නිවාස අඩස්සියට පත් කිරීමට ද කුමන්ත්‍රණය මෙහෙය වු හමුදා ප්‍රධානීහු කටයුතු කරනු ලැබුවා.
කෙසේ නමුත්, පසුව ඇතිකරගත් බලය හුවමාරු කිරීමේ ගිවිසුමක් යටතේ නැවතත් තනතුරට පත් කෙරුණා.
එහෙත්, අගමැතිවරයාට එරෙහිව දිගින් දිගටම විරෝධතා පැවති අතර සුඩානය තුළ සිවිල් දේශපාලන නීතිය මුලුමනින්ම ස්ථාපිත කල යුතු බව උද්ඝෝෂකයන්ගේ ඉල්ලීම විය.
දිගින් දිගටම එල්ලවන මහජන විරෝධයත් සමග තනතුරින් ඉල්ලා අස්වීමට සූඩාන අග්‍රාමාත්‍ය අබ්දල්ලා හම්ඩොක් තීරණය කර ඇත්තේ ඒ අනුවයි.
සුඩානය තුළ නැවත වරක් මැතිවරණයක් පැවැත්වීමට නියමිතව ඇත්තේ 2023 වසරේ ජූලි මාසයේදීයි
