වෙඩි වැදීම හේතුවෙන් ජනප්‍රිය බොලිවුඩ් රංගන ශිල්පී ගෝවින්දා රෝහල් ගත කර තිබෙනවා.
ඉන්දීය මාධ්‍ය සඳහන් කළේ අද (01) උදෑසන සිය නීත්‍යානුකූල රිවෝල්වරය අත්වැරදීමකින් ක්‍රියාත්මක වී ඔහුගේම පාදයට වෙඩි වැදී ඇති බවයි.
වෙඩි වැදීමෙන් ඔහුගේ පාදයේ දණහිසට පහළින් තුවාල වී ඇති අතර පැයක පමණ කාලයක් පුරා සිදුකළ ශල්‍යකර්මයකින් පසුව ඔහුගේ පාදයෙන් වෙඩි උණ්ඩය ඉවත් කර ඇති බවට වාර්තා වනවා.
වෛද්‍යවරු පවසා ඇත්තේ මේ වනවිට ඔහුගේ තත්ත්වය බරපතළ නොවන බවත් දින කිහිපයක් රෝහල් ගතව ප්‍රතිකාර ලබාගැනීමෙන් පසුව ඔහුට රෝහලෙන් පිටව යා හැකි බවත්ය.
මේ වන විට 60 වැනි වියේ පසු වන ගෝවින්දා බොලිවුඩ් සිනමාවේ Hero No.1 ලෙස අනුවර්ථ නාමයෙන් ද හඳුන්වනු ලබනවා.
1986 වසරේදී ඉන්දීය සිනමාවට පිවිසෙන ගෝවින්දා මේ වන විට සිනමාපට 150කට පමණ සිය රංගයෙන් දායක වී ඇති බව සඳහන්.
