නව යොවුන් වියේ පසුවන 15 හැවිරිදි දැරියක් ලිංගික ජාවාරම සඳහා යොදාගත් 35 හැවිරිදි පුද්ගලයෙකු ගල්කිස්ස ප්‍රදේශයේ දී අත්අඩංගුවට ගෙන තිබේ.
මෙම පුද්ගලයා විසින් අන්තර්ජාලය ඔස්සේ විවිධ පුද්ගලයින් වෙත දැරිය මුදලට විකුණා ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
මාස තුනක කාලයක් තිස්සේ විවිධ පුද්ගලයින්ට දැරිය විකුණා ඇති බවත් ඒ සඳහා ඔහු විසින් ගල්කිස්ස ප්‍රදේශයේ මහල් නිවාසයක් කුලියට මිලදී ගෙන ඇති බවත් පොලිස් මාධ්‍ය ප්‍රකාශකවරයා සඳහන් කරන ලදී.
දෙල්ගොඩ ප්‍රදේශයේ පදිංචි දැරියගේ මවගෙන් දැරිය ලබා ගෙන ඇති අතර පොලිසිය අදාළ කාන්තාවගෙන් මේ පිළිබඳ ප්‍රකාශයක් සටහන් කරගෙන තිබේ.
සැකකරු ඊයේ (8) මොරටුව මහේස්ත්‍රාත් අධිකරණයට ඉදිරිපත් කර රිමාන්ඩ් භාරයේ තබා තිබේ.
මෙම කාලය තුළ සැකකරු සමඟ කටයුතු කළ අය හඳුනාගැනීම සඳහා පරීක්ෂණ සිදුකරන බව නියෝජ්‍ය පොලිස්පති අජිත් රෝහණ මහතා සඳහන් කරන ලදී.
