ජපානයේ රැකියා ලබාදෙන බවට පොරොන්දු වී පුද්ගලයන්ගෙන් ලක්ෂ ගණනින් මුදල් වංචා කළ සැකකරුවෙකු ලබන 27 දක්වා රක්ෂිත බන්ධනාගාර ගත කරන ලෙස මීගමුව වැඩබලන මහේස්ත්‍රාත් ඉන්දික සිල්වා නියෝග කර තිබෙනවා.
අනුරාධපුරයේ 3වන පියවරේ සිරිමෙවන් උයනේ පදිංචිකරුවෙකු වන 58 හැවිරිදි සැකකරු පසුගියදා කටුනායක ගුවන්තොටුපළේදී අත්අඩංගුවට ගැනීමෙන් අනතුරුව ඊයේ (19) අධිකරණයට ඉදිරිපත් කරනු ලැබුවා.
මෙම පුද්ගලයා ලියාපදිංචි බලපත්‍රයක් නොමැතිව ව්‍යාජ විදේශ රැකියා ඒජන්සියක් පවත්වාගෙන ගොස් තිබුණ බවයි වාර්තා වන්නේ.
එහි විමර්ශන නිලධාරීන් අනුරාධපුර මහේස්ත්‍රාත් අධිකරණයට කරුණු වාර්තා කිරීමෙන් පසු සැකකරුට එරෙහිව විදෙස් ගමන් තහනමක්ද පනවා තිබුණේ, මේ සම්බන්ධයෙන් අනුරාධපුරයේ කිරක්කුලමේ පදිංචි කාන්තාවක් විදේශ සේවා නියුක්ති කාර්යංශයට සිදුකරන ලද පැමිණිල්ලකට අනුව බවයි සඳහන් වන්නේ.
