නුවරඑළිය දිස්ත්‍රික් මහ රෝහලේ අක්ෂි ශල්‍යකර්මවලට භාජනය වූ රෝගීන් කිහිපදෙනෙක්ට පෙනීම අහිමි වීම සම්බන්ධව විශේෂ පරීක්ෂණයක් ආරම්භ කර තිබෙනවා.
රෝහල් ආරංචි මාර්ග පවසන්නේ අදාළ ශල්‍යකර්ම සිදුකිරීමෙන් පසු තමන්ට ඇස් නොපෙනීම හේතුවෙන් රෝගීන් කිහිපදෙනෙක් මේ වන විට යළි රෝහලට ඇතුළත් වී ඇති බවයි.
මෙලෙස නුවරඑළිය මහ රෝහලේ අක්ෂි ශල්‍යකර්මවලින් අනතුරුව පෙනීම අහිමිවී ගිය තවත් රෝගීන් 10 දෙනෙක් පමණ ප්‍රතිකාර ගන්නා බවයි වාර්තා වන්නේ.
පසුගියදා ජාතික අක්ෂි රෝහලේ ඖෂධයක් භාවිත කිරීමෙන් පසු ඇතිවූ සංකූලතා හේතුවෙන් තාවකාලිකව එම රෝහලේ ශල්‍යකර්ම සිදු කිරීම නතර කෙරුණා.
මෙම සංකුලතා මතුව ඇත්තේ ඉන්දියාවෙන් ආනයනය කරන ලද ප්‍රෙඩ්නිසිලෝන් ඖෂධය භාවිත කිරීමෙන් පසුවයි.
මේ වන විට එම ඖෂධ සාම්පල, ජාතික ඖෂධ නියාමන අධිකාරියට යොමු කර ඇති අතර ගැටළු කාරී තත්ත්වයට පත්ව ඇති ඖෂධ කණ්ඩය රෝහල්වලින් ඉවත් කර ඇති බවද වාර්තා වනවා.
