දේශපාලන නායකයින් එදා මාධ්‍ය ඉදිරියට පැමිණ අප කණ්ඩායමට ‘හොරා’ යනුවෙන් පැවසුවත් තමාට එරෙහිව තිබූ නඩු වලින් නිදොස් කොට නිදහස් වූ බව පොදුජන පෙරමුණේ ජනාධිපති අපේක්ෂක නාමල් රාජපක්ෂ පවසනවා.
ඔහි මේ බව සඳහන් කළේ, ඊයේ (15) පැවති ජන රැළිය අමතමින්.
එහිදී වැඩිදුරටත් අදහස් දැක්වූ ඔහු කියා සිටියේ,
“ඔබ වෙනුවෙන් අපි ආර්ථිකය නංවාලන්න, ආර්ථිකය දියුණු කරන්න, ඔබ වෙනුවෙන් දියුණු රටක් හදන්න අවශ්ය වැඩපිළිවෙළක් අපි ගාව තියෙනවා සහ සැලැස්මක් අපි ගාව තියෙනවා. අවාසනාවකට 2015 පත් වෙච්ච ඒ ආණ්ඩුවට ඒ වැඩපිළිවෙළ ක්‍රියාත්මක කරන්න වුවමනාවක් තිබ්බේ නෑ. ඒ අයට තිබ්බේ පළිගැනීමේ චේතනාව. අපේ හාමුදුරුවනේ අපිට හොරා කිව්වා.පරීක්ෂණ කළා. අපිව හිරේ දැම්මා. හොයලා හොයලා අවසානයේ රාජපක්ෂලා හොරකම් කරපු දෙයක් නැ කියලා ඒ නායකයෙ ඇවිල්ලා මාධ්‍යට කියන්න පටන් ගත්තා. නඩු වලින් අපි නිදොස් කොට නිදහස් වුණා. හැබැයි කණගාටුවට කාරණය මොකක්ද? ඒ අය දේශපාලන වේදිකාවේ පරණ සටන් පාඨ විකුණමින් ඡන්ද ගන්න උත්සහ කරනවා.”
