මේ වන තෙක් අතුරුදන්ව සිටි සමාජ ක්‍රියාකාරී තිසර අනුරුද්ධ බණ්ඩාර මෝදර කොට්ඨාශ අපරාධ විමර්ශන ඒකකයේ රඳවාගෙන සිටින බවට පොලීසියෙන් ශ්‍රී ලංකා මානව හිමිකම් කොමිෂන් සභාව දැනුවත් කර තිබෙනවා.
ඒ අනුව මානව හිමිකම් කොමිශමේ විමර්ශන නිලධාරීන් මේ වන විට එම ස්ථානය වෙත ගොස් ඇති බවයි වාර්තා වන්නේ.
මෙම තරුණයාව මෝදර පොලීසියේ පොලිස් පරීක්ෂක ලියනගේ නම් පුද්ගලයෙක් පැමිණ ඊයේ රාත්‍රියේ අත්අඩංගුවට ගත් බව වාර්තා වනවා.
තරුණයාගේ පියා තම පුතා අත්අඩංගුවට ගෙන ඇති දැයි මෝදර පොලිසියෙන් කළ විමසීමකදී මෝදර පොලිසියේ අපරාධ අංශයේ ස්ථානධිපති පවසා ඇත්තේ “පුතාව ගමනක් යැව්වා” ලෙසයි.
