ගුවන් හමුදා සෙබළියකු පැහැරගෙන යාමේ සිද්ධියක් සම්බන්ධයෙන් පිය පුතු දෙපළක් පුත්තලම පොලිසිය විසින් අත්අඩංගුවට ගෙන තිබෙනවා.
සිද්ධිය සම්බන්ධයෙන් චීන වරාය ගුවන් හමුදා කදවුරේ සෙබලෙකු හා ඔහුගේ පියා මෙලෙස අත්අඩංගුවට ගෙන ඇති බව සඳහන්.
ඔවුන් දෙදෙනා වරකාපොල ප්‍රදේශයේ පදිංචිකරුවන් වනවා.
අදාළ සෙබළිය යතුරු පැදියකින් පාලවිය ගුවන් හමුදා කදවුරේ සේවයට පැමිණෙන අවස්ථාවේ මෙම පැහැරගැනීම සිදු කර ඇති බව සඳහන්.
තම බිරිඳ කිසියම් පිරිසක් විසින් පැහැරගෙන ඇති බවට පාලවිය ගුවන් හමුදා කදවුරේම සේවය කරන අයකු කළ පැමිණිල්ලකට අනුව මෙලෙස මෙම පිය පුතු දෙදෙනා අත්අඩංගුවට ගෙන තිබෙනවා.
පැහැරගැනීමට ලක් වූ ගුවන් හමුදා සෙබළිය එයින් මිදී පලා ඇවිත් පුත්තලම පොලීසියට සිදුවීම පැහැදිලි කර තිබුණා.
එහිදී ඇය ප්‍රකාශ කර ඇත්තේ, තමන් යතුරු පැදියෙන් ගමන් කරමින් සියදී කාර් රථයකින් මාර්ග හරස් කොට මුහුණට ලේන්සුුවක් අල්ලා සිහිසුන් කොට පාළු නිවසට රැගෙන ගිය බවයි.
කෙසේ වෙත් තමන් එයින් තමා මිදී පලා ආ බව ද ඇය වැඩිදුරටත් පවසා තිබූ බව සඳහන්.
සිද්ධිය සම්බන්ධයෙන් පොලිසිය විසින් වැඩිදුර විමර්ශන ක්‍රියාත්මකයි.
