පහරදී ඝාතනය කර මඩොල්සිම පුංචි ලෝකාන්තයේ අඩි 1000ක පමණ ප්‍රපාතයකට තල්ලුකර තිබූ ත්‍රිරෝද රථ රියදුරුගේ මළසිරුර සොයාගෙන තිබෙනවා.
පොලීසිය පැවසුවේ, දින 16කට පසුව අද (16) පස්වරුවේ පුංචි ලෝකාන්තයේ අඩි 500ක පමණ ප්‍රපාතයට වැටී තිබිය දී මෙම සිරුර සොයාගත් බවයි.
මෙසේ ඝාතනයට ලක්ව ඇත්තේ හාලි ඇල, රොසවත්තේ විවේකානන්දන් සුජීවන් නැමැති 23 හැවිරිදි අවිවාහක තරුණයක්.
ඝාතනය සම්බන්ධයෙන් සැකපිට මීට පෙර තවත් අයෙකු අත්අඩංගුවට ගත් බව පොලිසිය පවසනවා.
ත්‍රීරෝද රථ රියදුරා මඩොල්සිම පුංචි ලෝකාන්තය අසලට රැගෙන ගොස් පහරදීමෙන් පසුව සිරුර පුංචි ලෝකාන්තයේ ප්‍රපාතයට තල්ලු කර තිබෙන බව සඳහන් වනවා.
එම සැකකරු මඩොල්සිම, බටාවත්ත ප්‍රදේශයේ පදිංචි චන්ද්‍රබොස් දයාලන් 34 හැවිරිදි නැමති එක්දරු පියෙකු බව වාර්තා වනවා.
හාලි ඇල රොසට්වත්තේ පදිංචි ඝාතනයට ලක්වූ තරුණයා මඩොල්සිම බටාවත්තේ පදිංචි සැකකරුගේ ත්‍රීරෝද රථය රුපියල් 350,000ක මුදලක් ගෙවා මිලට ගෙන තිබෙනවා.
ඒ රුපියල් 13,000 බැගින් වාරික 36කින් ලිසිං වාරික ගෙවීමේ පදනමට බව පොලිසිය පවසනවා.
මේ අතර සැකකරු හාලි ඇල, ක්වීන්ස්ටවුන් වත්තේ කාන්තාවක සමඟ විවාහ වී ඇති බවත් මොවුන්ට එක් කුඩා දරුවෙකු සිටින බව පැවසෙනවා.
එමෙන්ම සැකකරුගේ බිරිද දරුවෙකු ප්‍රසූත කිරීමට බදුල්ල ශික්ෂණ රෝහලට ඇතුළත් කර සිට්න බව පොලිසිය පැවසුවා.
මැණික් ගල් කිහිපයක් සහ රභාණ්ඩ කිහිපයක් විකිණීමට යාමට ඇති බව පවසා ත්‍රීරෝද රථ රියදුරු කැටුව ගොස් තිබෙනවා.
ඒ අනූව, ඉකුත් 30 වන දින රාත්‍රි මඩොල්සිම නගරයට ගෙන්වා ගෙන ඇති බවත්, මඩොල්සිම නගරයේ ඉන්ධන පිරවුම් හල අසල දී සැකකරු සහ ඔහුගේ මිතුරා මෙම ත්‍රීරෝද රථයට ගොඩ වී තිබෙන බව පොලිසිය අනාවරණය කරගෙන තිබෙනවා.
