ගිං ගඟේ දිය නෑමට ගොස් සිටියදී අතුරුදන් වූ සිසුවාගේ සිරුර අද (06) පස්වරුවේ ගොඩගත් බව නෙළුව පොලිසිය පවසනවා.
නෙළුව කඩහිංගල ජනපදය ප්‍රදේශයේ පදිංචි ජනිදු සුරේන්ද්‍ර නැමැති සිසුවෙක් මෙලෙස මියගොස් තිබෙනවා.
අදාළ සිසුවා මෙවවර අපොස උසස් පෙළ විභාගයට පෙනී සිටීමට නියමිතව තිබුණා.
සිසුවා ඊයේ (05) පස්වරුවේ සිය මිතුරන් සමග ප්‍රදේශය ආසන්නයේ ඇති ගිං ගඟේ දිය නෑමට ගොස් තිබෙනවා.
එහිදී ගඟ හරහා ගමන් කිරීමට ගත් උත්සාහයේදී දියවැලකට හසුව ගසාගෙන ගොස් තිබෙනවා.
එහිදී අතුරුදන් වූ සිසුවා සොයා නෙළුව පොලීසිය සහ නාවික හමුදාව එක්ව මෙහෙයුමක් ද දියත් කර කෙරුණා.
