රාජකාරියට පැමිණේමින් සිටි වනජීවි නිලධාරියෙක් අනතුරට ලක්කර පලාගිය බෝලොරෝ වර්ගයෙ කැබ් රථයක් එහි රියදුරු සමඟ අත්අඩංගුවට ගත් බව කරුවලගස්වැව පොලිසිය පවසනවා.
පොලිසිය සදහන් කරන්නේ, අනතුරින් බරපතල අස්ථි බිදිමකට ලක්වු වනජීවි නියාමක කරුවලගස්වැව අඩවි වනජීවි කාර්යාලයෙ සේවය කරනු ලබන අනුරාධ දිසානයක නැමති අයක් බවයි.
වනජීවි නිලධාරියා නොච්චියාගම – විල්පත්තුව ජාතික වන උද්‍යානය ආසන්නයෙ පිහිටි තම නිවසේ සිට යතුරු පැදියෙන් රැකියාව සදහා පැමිණ කරුවගස්වැව – අඩවි වනජීවි කාර්යාලය දෙසට හැරවිමට යාමේදි අධික වේගයෙන් පැමිණ ඇති බෝලරෝ වර්ගයෙ කැබ් රථය වනජීවි නිළධාරීයාව අනතුරට ලක්කර පලා ගොස් තිබෙනවා.
අනතුරට ලක්වු වනජීවි නියාමකවරයා කඩිනමින් පුත්තලම මූලික රෝහලට ඇතුලත් කිරීමට අඩවි වනජීවි කාර්යාල නිළධාරීන් කටයුතු කර තිබුණා.
රෝහල් ගත කල වනජීවි නිළධාරීයාගේ වම් පාදය දරුණු බිදිමකට ලක්ව ඇති බවත් රෝහලේදි සැත්කමකට ලක් කිරීමටත් කටයුතු කර තිබු බව වාර්තා වනවා.
අනතුර සිදුකර පලා ගිය සැකකාර කැබ් රථ රියදුරා ඊයේ (24) දින කැබ් රථය සමග කරුවලගස්වැව පොලිසිය පැමිණ භාර විමේන් පසු අධිකරණයට ඉදිරිපත් කිරීමට නියමිතව තිබුණා.
