කොවිඩ් වසංගතය හේතුවෙන් වාර්තා වන රෝගීන් වැඩිවීම මෙරට සෞඛ්‍ය ධාරිතාව ඉක්මවා යන තත්ත්වයට යොමුව ඇතැයි රජයේ වෛද්‍ය නිලධාරින්ගේ සංගමය පවසනවා.
එම සංගමයේ සාමාජික වෛද්‍ය නලින්ද හේරත් මහතා පවසන්නේ සෞඛ්‍ය කාර්ය මණ්ඩලය ද දිනෙන් දින මෙම වෛරසයට ගොදුරු වෙමින් පවතින බවයි.
එමෙන්ම, රෝහල් ඇදන් සහ දැඩි සත්කාර පහසුකම් වැනි සියල්ලම උපරිම ධාරිතාව ඉක්මවන මට්ටමකට පැමිණ ඇති බවත් මානව සම්පත හිඟ වීම පිළිබද උග්‍ර ගැටලුව නිසාත් කොවිඩ් වසංගතයේ දරුණුතම සහ උච්චතම තත්ත්වයට රට මේ වන විට පත්ව ඇතැයි ඔහු අවධාරණය කර සිටිනවා.
මේ අතර, ඊයේ දිනයේ තවත් කොරෝනා මරණ 198ක් සෞඛ්‍ය අධ්‍යක්ෂ ජනරාල්වරයා තහවුරු කළ අතර ඊයේ හඳුනාගත් කොවිඩ් ආසාදිතයන් ගණන 4483ක්. ඒ අනුව මෙරටින් වාර්තා වන මුළු කොරෝනා ආසාදිතයන් සංඛ්‍යාව 407,768 ක් දක්වා ඉහළ ගියා.
