රාගම රෝහලේ කාන්තා වෛද්‍යවරියකගේ ඡායාරූප ගැනීම සම්බන්ධයෙන් කොළඹ ජාතික රෝහලේ වෛද්‍යවරයකු අත් අඩංගුවට ගෙන රිමාන්ඩ් භාරයට පත් කළ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා මාධ්‍ය වෙත පවසා තිබේ.
මේ සම්බන්ධයෙන් අත්අඩංගුවට පත් වී ඇත්තේ සමන්තුරෙයි ප්‍රදේශයේ පදිංචි 35 හැවිරිදි වෛද්‍යවරයෙකි.සැකකරුගේ ජංගම දුරකථනය ද පොලිසිය භාරයට ගෙන ඇත.මීට මාස කිහිපයකට ඉහත දී ඔහු රාගම රෝහලට සම්බන්ධ වී ඇති අතර එහි දී වෛද්‍යවරියක ඇඳුම් මාරු කරනු ලබන අවස්ථාවක ඇගේ ඡායාරූප ලබා ගෙන ඇත.
සැකකරුට එරෙහිව මෙවැනිම තවත් පැමිණිලි දෙකක් ද පොලිසියට ඉදිරිපත් වී ඇතැයි පොලිස් මාධ්‍ය ප්‍රකාශකවරයා සඳහන් කළේය.
