තමන්ගේ සහෝදරිය මිය යද්දී ඇයට ප්‍රතිකාර නොකොට අදාල වාට්ටුවේ වෛද්‍යවරිය සුවෙන් නිදාගත් බව ශ්‍රී ලංකා පොදුජන පෙරමුණු දිගාමඩුල්ල දිස්ත්‍රික් පාර්ලිමේන්තු මන්ත්‍ර්‍රී විමලවීර දිසානායක පවසනවා.
ඒ, අද (19) දින මාධ්‍ය හමුවේ අදහස් දක්වමින්.
සිව්දරු මවක් වන ඇයගේ පාදයේ ශල්‍යකර්මයක් කිරීමෙන් අනතුරුව උදෑසන වන තෙක් ඇයගේ පාදයෙන් ලේ වහනය වූ නමුත් එම වාට්ටුව භාර වෛද්‍යවරිය ඇයගේ ලේ යාම නතර කිරීමට උනන්දු නොවූ බවත් තමන්ගේ සොයුරිය මිය යද්දී එම වෛද්‍යවරිය සුවෙන් නිදාගත් බවත් ඔහු පවසනවා.
එමෙන්ම, තමන්ගේ බිරිඳගේ සොයුරාද ශල්‍යකර්මයක් අතරතුරදී එන්නතක් වැරදීමෙන් මිය ගිය බවයි මන්ත්‍රීවරයා පෙන්වා දෙන්නේ.
කෙසේ නමුත් එවැනි සිදුවීම් නිසා තමා සමස්ථ සෞඛ්‍ය සේවයටම වෛර නොකරන බවත් වර්තමානයේදී සිදුවන්නේ යම් යම් සිදුවීම් පදනම් කරගෙන නිදහස් සෞඛ්‍ය සේවය විනාශ කිරීමට උත්සහ කිරීමක් බවත් පාර්ලිමේන්තු මන්ත්‍ර්‍රී විමලවීර දිසානායක අවධාරණය කරනවා.
ඇතැම් මාධ්‍යය ද දුක විකුණමින් එම පුවත් හරහා වාසි ලබා ගැනීමට උත්සහ දරන බවත් ඔහු පවසනවා.
