කොටුව දුම්රිය ස්ථානයේ සිට මහනුවර බලා ඊයේ (30) පෙරවරුවේ ධාවන වූ දුම්රියක රියදුරා අධික ලෙස මත්පැන් පානය කර ගමන් කිරීම සම්බන්ධයෙන් දුම්රිය දෙපාර්තමේන්තුව මේ වනවිට පරීක්ෂණයක් ආරම්භ කර තිබෙනවා.
මේ පිළිබඳ නිවේදනයක් යොමුකරමින් දුම්රිය නියෝජ්ය සාමාන්යාධිකාරි එන්.ජේ. ඉඳිපොලගේ මහතා පවසන්නේ, මෙම රියදුරුගේ නොමන ක්රියා කලාපය හේතුවෙන් මේ වනවිට ඔහුගේ වැඩ තහනම් කර තිබෙන බවයි.
කොටුව දුම්රිය ස්ථානයෙන් ඊයේ (30) පෙරවරුවේ මහනුවර බලා ධාවනය වූ 1019 නැමැති දුම්රියේ රියදුරා අධික ලෙස මත්පැන් පානය කර දුම්රිය රැගෙන ගොස් මහනුවර සුදුහුම්පොල ප්රදේශයේදී දුම්රිය නවතා පළායෑමට උත්සාහ කර තිබෙනවා.
කෙසේවෙතත් ඒ අවස්ථාවේ ක්රියාත්මක වූ මගීන් මොහුව ලුහුබැඳ ගොස් අල්ලාගෙන, දුම්රිය ආරක්ෂක අංශය වෙත භාරදීමට කටයුතු කරනු ලැබුවා.