තෙමස් වියැති කුළුදුල් දරුවාගේ කිරි දානයට මල් රැගෙන නිවස කරා පැමිණෙමින් සිටි පියෙක් අනාරක්ෂිත මාර්ග බාධායක ගැටීමෙන් මියගොස් තිබෙනවා.
අනතුර මියගොස් ඇත්තේ ගොනපොල කුඹුක නැගෙනහිර පදිංචි නැනෝ තාක්ෂණ ආයතනයේ ජ්‍යෙෂ්ඨ පරීක්ෂණ විද්‍යාඥයෙක් වන විමුක්ති ප්‍රසාද් ජයවීර නම් 37 හැවිරිදි පුද්ගලයෙකි.
ඊයේ (04) අළුයම් කාලයේ දී මෙම අනතුරව සිදුව තිබෙනවා.
නිවසේ පැවැති කිරි දානය සඳහා අවශ්‍ය මල් රැගෙන ඒම සඳහා පිළියන්දල ප්‍රදේශයට ගොස් යළිත් නිවස කරා පැමිණෙමින් සිටි අවස්ථාවේදී ඔහු මෙම අනතුරට මුහුණ දී ඇති බවයි වාර්තා වන්නේ.
මාර්ගයේ අනාරක්ෂිත ආකාරයෙන් තබා තිබු මාර්ග බාධාකයක් සහ කොන්ක්‍රීට් තට්ටුවක් මත මෝටර් රථය ගැටීමෙන් මෙම අනතුරව සිදුව ඇති බව පොලීසිය සඳහන් කළා.
අනතුරත් සමඟ මෝටර් රථයේ වායු බැලුන් දෙක ක්‍රියාත්මක වුවත් රථය මීටර් 100ක් පමණ ඉදිරියට ඇදී ගොස් මාර්ගයේ මැද ඇති කොන්ක්‍රීට් කොටසේ ගැටී ඇති බව මුලික පොලිස් පරීක්ෂණවලදී අනාවරණය වී තිබෙනවා.
මෝටර් රථයේ වායු බැලුන් ක්‍රියාත්මක වීමත් සමඟ එයින් විසවූ ප්ලාස්ටික් කැබැල්ලකින් ඔහුගේ ගෙල ප්‍රදේශය තදින් කැපී ඇති අතර රෝහල් ගත කිරීමේ දී ඔහු මියගොස් ඇති බවයි වාර්තා වන්නේ.
