සිව්වරක් ලෝක ශූරයින් පරාජය කළ ජපන් පෙරළිය

සිව්වරක් ලෝක ශුරතාව දිනූ ජර්මනිය සහ ජපානය අතර තරගය කටාර් කලීෆා ක්‍රීඩාංගණයේදී පැවැත්වුණා.

තරගයේ වැඩි කොටසක ආධිපත්‍ය මුලුමනින්ම ජර්මනිය සතු වුවත් දෙවන අර්ධයේ අවසන් භාගයේ සුපිරි ක්‍රීඩා විලාසයකින් තරගයට අවතීර්ණ වූ ජපානය ජර්මනියට අනපේක්ෂිත පරාජයක් අත් කර දුන්නා.

Gundogan තරගයේ 33 වැනි මිනිත්තුවේදී දඬුවම් පහරක් සාර්ථක කර ගනිමින් 1- 0ක් පවත්වාගෙන ආ ආධිපත්‍යයට 75 වැනි මිනිත්තුවේදී අභියෝග කරන්නට Ritsu Doan සමත් වුණේ තරගයය 1 -1 ක් ලෙස සම කර ගනිමින්.

යළි 83 වැනි මිනිත්තුවේදී ක්‍රියත්මක වුණු Takuma Asano ඓතිහාසික ජයග්‍රහණයකට මග පාදනු ලැබුවා.

ඒ අනුව සිව්වරක් ලෝක ශූරතාව දිනු ජර්මනියට මෙවර තමන් සහභාගී වූ පළමු තරගයේදීම අනපේක්ෂිත පරාජයක් අත්කර දෙමින් මෙවර තරගාවලිය තුල දෙවන පෙරලිය සිදු කළ ජපානය 2 -1 ක් ලෙස තරගය ජය ගත්තා.

සඳුදා සෞදි අරාබිය ද මෙවැනිම පෙරලියක් සිදුකරමින් සුපිරි ආර්ජන්ටිනාව පරාජය කරන්නට සමත්වුණා.

මේ අතර තරගයෙන් අනතුරව ජපන් ප්‍රේක්ෂකයන් කලීෆා ප්‍රේක්ෂකාගාරය පිරිසිදු කරන අයුරු දැක ගත හැකි වුණා.