කැබිතිගොල්ලෑව, අයිතිගෙ වැව ප්‍රදේශයේ පිහිටි නිවසක සිටියදී කාන්තාවකගේ ගෙළ සිර කර මනුෂ්‍ය ඝාතනයක් සිදු කළ සැකකරුවෙකු වසර 8ට පසු අත්අඩංගුවට ගත් බව කැබිතිගොල්ලෑව පොලිසිය පවසනවා.
මෙලස මියගිය කාන්තාවගේ පුතා වන ඩබ්ලිව්.ජේ.සී. විජේරත්න නමැති දෙවන ස්වෙච්ඡා ශ්‍රී ලංකා යුද්ධ හමුදා සේවා බළකායේ සේවය කළ අයෙක් අත්අඩංගුවට ගෙන තිබෙනවා.
2015 වසරේ ජූනි මස 5 වන දා සැකකරු 50 හැවැරිදි තම මව නිවසේ සිටිය දී ගෙළ සිර කර ඝාතනය කර ඇති බව සඳහන්.
අභිරහසකව තිබුණු මෙම ඝාතනයේ ඝාතකයා සෙවීමට එදින සිට කැබිතිගොල්ලෑව කොට්ඨාස අපරාධ විමර්ෂන අංශය කැබිතිගොල්ලෑව ජ්‍යෙෂ්ඨ පොලිස් අධිකාරීවරයාගේ උපදෙස් පරිදි සමීපතම ඥාතීන්ගෙන් මෙන් ම මෙම සෙබළගෙන් වෙන් වී ජීවත් වන ඇයගේ බිරිඳ ගෙන් පොලිසිය ප්‍රකාශ ලබා ගනිමින් සිට ඇත.
ඒ අනුව, ලැබුණු තොරතුරක් මත මෙම ඝාතනයේ ඝාතකය මිය ගිය කාන්තාවගේ පුතා බවට අනාවරණය කර ගත් කැබිතිගොල්ලෑව කොට්ඨාස අපරාධ විමර්ශන අංශය ඒ පිළිබඳ ඝාතකයා සේවය කළ කටුනායක පිහිටි යුද්ධ හමුදා කඳවුරේ අණ දෙන නිලධාරී දැණුවත් කර සැකකරු ඊයේ (මාර්තු 25) දින පොලිස් භාරයට ගත් බව වාර්තා වෙනවා.
අද (මාර්තු 26) කැබිතිගොල්ලෑව මහේස්ත්‍රාත් අධිකරණයට ඉදිරිපත් කිරිමට නියමිතයි.
