මෙගා පොලිස් නැතහොත් මහ නගර සංවර්ධන සැලැස්ම ක්‍රියාත්මක කිරීම සඳහා ක්‍රියාකාරී සැලැස්මක් සකස් කිරීමට නාගරික සංවර්ධන අධිකාරිය පියවරගෙන තිබෙනවා.
එහි අධ්‍යක්ෂ ජනරාල් ප්‍රසාද් රණවීර මහතා කියා සිටියේ එම සැලැස්ම යළි ක්‍රියාවට නංවන්නැයි ජනාධිපතිවරයා දුන් උපදෙස් මත මෙම පියවර ගත් බවයි.
මෙම ක්‍රියාකාරී සැලැස්ම හා මාර්ගෝපදේශයන් සිංගප්පුරු සමාගමක උපදේශකත්වයෙන් සකස් කෙරෙනු ඇති.
මහ නගර සංවර්ධන සැලැස්ම 2015 වසරේ දී සකස් කරනු ලැබුවා.
ඒ යටතේ කොළඹ දිස්ත්‍රික්කය කේන්ද්‍ර කර ගනිමින් බස්නාහිර පළාත, ත්‍රිකුණාමලය දිස්ත්‍රික්කය කේන්ද්‍ර කරගනිමින් නැගෙනහිර පළාත, හම්බන්තොට දිස්ත්‍රික්කය හා යාපනය දිස්ත්‍රික්කයේ මහා නගර සැලැස්ම ක්‍රියාත්මක කිරීමට යෝජනා කර තිබුණා.
කෙසේ නමුත් පසුව එම සැලැස්ම ක්‍රියාවට නැංවීමට අවස්ථාව හිමිවුයේ නැහැ.
මේ අනුව අදාල මහා නගර සැලැස්ම යළිත් ක්‍රියාත්මක කිරීමට පියවර ගන්නා ලෙසයි ජනාධිපති රනිල් වික්‍රමසිංහ මහතා පසුගියදා උපදෙස් ලබාදී ඇත්තේ.
