ජාතික සත්වෝද්‍යාන දෙපාර්තමේන්තුවේ නව අධ්‍යක්ෂ ජනරාල්වරිය ලෙස ජනාධිපති ගෝඨාභය රාජපක්ෂ මහතා පත් කළ ශර්මිලා රාජපක්ෂ මහත්මිය අද (28) එම ධූරයේ වැඩ භාර ගත්තා.
වැඩ භාර ගැනීමේ කටයුතු අද පෙරවරුවේ දෙහිවල සත්වෝද්‍යාන දෙපාර්තමේන්තු ප්‍රධාන කාර්යාලයේදි පැවැත්වුණා.
ශර්මිලා රාජපක්ෂ මහත්මිය මීට පෙර ජනාධිපති කාර්යාලයේ සමාජ මාධ්‍ය ප්‍රධානියා ලෙස ද කටයුතු කරනු ලැබූවා.
ඒ අනුව ඇය සත්වෝද්‍යාන දෙපාර්තමේන්තුවේ තුන් වන අධ්‍යක්ෂ ජනරාල්වරිය වනවා.
මීට පෙර එම තනතුර දරනු ලැබූවේ හිටපු අග්‍රාමාත්‍ය රනිල් වික්‍රමසිංහ මහතාගේද ඥාති දියණියක වන ඉෂිනි වික්‍රමසිංහ මහත්මියයි.
සත්වෝද්‍යානය භාරයේ සිටින අලි ඇතුන් කිහිප දෙනෙකු යළිත් මුල් අයිතිකරුවන්ට ලබාදීමේ තීරණයකට විරෝධය පලකරමින් අය සිය ධූරයෙන් පසුගියදා ඉල්ලා අස්වුණා.
