මේ වසරේ ගතවූ කාලය තුළ සංචාරකයින් මිලියන 1.9 කට ආසන්න සංඛ්‍යාවක් දිවයින්ට පැමිණ ඇති බව සංචාරක සංවර්ධන අධිකාරිය පවසනවා.
එහි සභාපති බුද්ධික හේවාවසම් මහතා සඳහන් කලේ දෙසැම්බර් මාසයේ දී පමණක් 90,000කට අධික ප්‍රමාණයක් පැමිණ ඇති බවයි.
එමෙන්ම දෙසැම්බර් මාසය තුළ පමණක් සංචාරකයින් 250,000ක් පැමිණෙනු ඇතැයි සංචාරක සංවර්ධන අධිකාරිය අපේක්ෂා කරන බවද බුද්ධික හේවාවසම් මහතා තවදුරටත් පවසනවා.
සංචාරක පැමිණීම මෙම වසර තුළ මිලියන 2.2 ඉලක්කයක් සපුරාලීමට අපේක්ෂා කරන බවද සභාපතිවරයා පවසා තිබෙනවා.
එම ඉලක්කය සපුරාලීමත් සමඟ , 2018 වසරෙන් පසුව මිලියන දෙකක ඉලක්කය සැපිරූ ප්‍රථම අවස්ථාව මෙය බවට පත් වෙනු ඇති බවද සංචාරක සංවර්ධන අධිකාරිය තවදුරටත් පෙන්වා දෙනවා.
