වෘත්තිය සමිති, බහුජන සංවිධාන සහ දේශපාලන පක්ෂ ඒකාබද්ධව ආරම්භ කර ඇති විරෝධතා පාගමන හේතුවෙන් මේ වන විට මරදාන අවට රථවාහන තදබදයක් හටගෙන තිබෙනවා.
කොළඹ කොටුවට පිවිසීම අවහිර කරමින් මාර්ග බාධක දමා සම්පූර්ණයෙන් පාර වසා දමා ඇති අතර පදික වේදිකාව යොදාගනිමින් ගමන් ගන්නා පදිකයන්ට පවා කොළඹ කොටුවට පිවිසීමට පොලීසිය ඉඩ ලබා නොදෙන බව අප වාර්තාකරුවන් සදහන් කළා.
මේ හේතුවෙන් ඒ අවට කාර්යාලවල සේවය කරන පිරිස මෙන්ම සාමාන්‍ය ජනතාව දැඩි පීඩාවට පත්ව තිබෙනවා.
මෙම පාගමන නිරීක්ෂණය සදහා ශ්‍රී ලංකා මානව හිමිකම් කොමිසමේ නිලධාරීන් පිරිසක්ද එම ස්ථානයට පැමිණ තිබෙනවා.
විරෝධතා පාගමන මරදාන, එලිෆින්ස්ටන් රඟහල අසළින් ආරම්භ වූ අතර එය ටෙක්නිකල් මංසන්ධිය හරහා කොළඹ කොටුවට ළඟාවීමට නියමිතයි.
