ශ්‍රේෂ්ඨාධිකරණය හිටපු පොලිස්පති දේශබන්දු තෙන්නකෝන සම්බන්ධයෙන් තීරණය දුන් දිනම කැබිනට් මණ්ඩලය විසින් එය අධ්‍යනය කිරිමට දින දෙකක් ගැනිමේ සිදුවිම රටේ ඉතිහාසයේ දැවැන්ත කළු පැල්ලමක් බව ලංකා ගුරු සංගමයේ ලේකම් ජෝසෆ් ස්ටාලින් මහතා පවසනවා.
ඔහු අද (27) කොළඹ පැවැති ප්‍රවෘත්ති සාකච්ඡාවකට එක්වෙමින් පවසා සිටියේ පොලිස්පතිවරයා සම්බන්ධයෙන් අධිකරණය ලබා දුන් තීන්දුව අභියෝගයට ලක් කිරීම සම්පුර්ණයෙන්ම හෙලා දකින බවයි.
ගෝඨාභය රාජපක්ෂව එලවපු ජනතාව අද රටේ සිටින බවත් ඔවුන් කවදාවත් රනිල් වික්‍රමසිංහට පිස්සු නටන්න ඉඩ නොදෙන බව ස්ටාලින් මහතා පවසනවා.
එමෙන්ම පුළුවන්නම් දේශබන්දු තෙන්නකෝන්ව තවදුරටත් පොලිස්පති තනතුරේ තබා ගන්නා ලෙස අභියෝග කර සිටින බව ඔහු කියා සිටියා.
