පොලිස් නිලධාරියෙකුගේ නායකත්වයෙන් ක්රියාත්මක ගව සොර කල්ලියක් ගැන තොරතුරු හෙළිකරගත් පදවිය පොලීසිය එම සොරකමට සම්බන්ධ පොලිස් නිලධාරියාත්, පශු වෛද්යවරයෙක් ඇතුළු 07 දෙනෙකු අත්අඩංගුවට ගෙන තිබෙනවා.
පොලිසිය සඳහන් කළේ අනුරාධපුර උඩමළුව පොලිස් ස්ථානයේ සේවයේ නිරත පොලිස් කොස්තාපල්වරයෙකු මෙසේ අත්අඩංගුවට ගෙන ඇති අතර ඔහු පසුගිය දෙසැම්බර් 23 වෙනිදා සිට අසනීප නිවාඩු මත සිට ඇති බවයි.
පශු වෛද්යවරයාද පදවිය ප්රෙද්ශයේ සේවයේ නිරත අයෙක් බවත් සොරාගන්නා ගවයින් වෙනුවෙන් සහතික නිකුත්කර තිබෙන්නේ ඔහු විසින් බවටත් තොරතුරු පොලීසිය විසින් හෙළිකරගෙන තිබෙනවා.
පදවිය පොලීසියට පසුගිය දෙසැම්බර් 22 වෙනිදා වාර්තා වූ රුපියල් ලක්ෂ 17කට අධික වටිනාකමක් ඇති එළ ගවයින් 08 දෙනෙක් සොරාගැනීමක් සහ පසුගිය ජනවාරි 21 වෙනිදා වාර්තා වූ රුපියල් ලක්ෂ 28ක් වටිනා එළ ගවයින් 20 දෙනෙකු සොරා ගැනීමක් සම්බන්ධයෙන් කළ විමර්ශනයේදී මෙම පොලිස් නිලධාරියා සම්බන්ධයෙන් තොරතුරු අනාවරණය වී තිබුණා.
මෙම නිලධාරියා වැලිසර ගව ඝාතකාගාරයේ පිරිසක් සමග එක්ව ලොරි පිටින් ගවයින් සොරාගෙන පටවා ඇති බව විමර්ශන වලින් අනාවරණය වු බව පොලිසිය සඳහන් කළා.
සොරා ගන්නා ගවයින් වැලිසරට රැගෙන ගොස් ඇත්තේ නීත්යානුකූල බලපත්ර යොදාගෙන බවත් ඒ සඳහා අවශ්ය පශු වෛද්ය සහතික පශු වෛද්යවරයා විසින් ලබාදී ඇති බවත් විමර්ශනයේදී අනාවරණය වී තිබෙනවා.