විදුලි කප්පාදුව තවදුරටත් ක්‍රියාත්මක වෙමින් අද (08) දිනයේද දිවයිනේ ප්‍රදේශ රැසකට පැයක කාලයක් විදුලි කප්පාදුවක් සිදුකරන බව විදුලිබල අමාත්‍යාංශය පවසනවා.
විදුලිබල අමාත්‍යාංශයේ මාධ්‍ය ප්‍රකාශක සුලක්ෂණ ජයවර්ධන මහතා පැවසුවේ පස්වරු 6 සිට රාත්‍රී 9.30 දක්වා කාලය තුළ එම විදුලි කප්පාදුව සිදුකරන බවයි.
කෙසේ වෙතත් විදුලිය කප්පාදු කරන ප්‍රදේශ පිළිබදව නිශ්චිතව අමාත්‍යාංශය සදහන් නොකරන අතර අවශ්‍යතාවය අනුව එය සිදුකිරීමට නියමිත බව සුලක්ෂණ මහතා පවසනවා.
ඔහු සදහන් කරන්නේ නොරොච්චෝලේ බලාගාරය යථා තත්ත්වයට පත්කරන තෙක් දිවයිනේ ප්‍රදේශ කිහිපයකට අවම වශයෙන් පැයක කාලයක් හෝ විදුලි සැපයීම අත්හිටුවීමට සිදුවිය හැකි බවයි.
දිවයින පුරා පසුගිය 03 වනදා සිදුවූ විදුලි බිඳවැටීමත් සමග නොරොච්චෝලේ තාප විදුලි බලාගාරයේ විදුලි ජනනයද බිඳ වැටීමට ලක්ව තිබුණෘ.
එම බලාගාරයෙන් සපයන පූර්ණ ධාරිතාව ජාතික පද්ධතියට එක්කිරීමට දින 3ක පමණ කාලයක් ගතවිය හැකි බව විදුලිබල අමාත්‍යාංශය නිවේදනය කරනවා.
