ජනාධිපති ගෝඨාභය රාජපක්ෂ මහතාට දේශපාලන අත්දැකීම් අඩුබව අමාත්‍ය බන්දුල ගුණවර්ධන මහතා පවසනවා.
ඒ, ඊයේ (11) දින රූපවාහිනී සංවාදයකට සහභාගී වෙමින්.
ජනපතිවරයා පසුගිය වසර 2ක කාලය තුල ගත් තීරන සම්බන්ධව පුළුල් සාකච්ඡාවක් සිදු නොවූ බවත් යම් යම් හේතූන් මත ඔහු තනි තීරන ගත් බවත් පවසන අමාත්‍යවරයා වැඩිදුරටත් පවසන්නේ ඒ අතරින් ඇතැම් තීරණ ඔහු බලාපොරොත්තු වූ පරිදි ඉටු නොවූ බවයි.
ඒවා යහපත් සතින් ගත් තීරන වන නමුත් ඔහුගේ අත්දැකීම් මදකම ඒවායේ අසාර්ථකභාවයට බලපෑ බව ඔහු පෙන්වා දෙනවා.
සහල් ආනයනය සම්පූර්ණයෙන් නැවැත්වීමට ජනපති ගත් තීරණය එවැනි අත්දැකීම් මදකම මත ගත් තීරනයක් බවයි ඔහු පවසන්නේ.
තමා ධූරය භාරගැනීමෙන් වසර 2කට පසුව තමන්ට අත්දැකීම් නොමැති බව පැවසීමෙන් ජනපති කෙරෙහි ජනතාවට ඇති විශ්වාසය බිද නොවැටෙන බවත් එමගින් පෙන්නුම් කෙරෙන්නේ ඔහුගේ අවංක බව බවත් බන්දුල ගුණවර්ධන මහතා පවසනවා.
කෙසේ නමුත් ජනාධිපතිවරයා දූෂිත නොවූවෙක් බවත් ඔහුට පුද්ගලික න්‍යාය පත්‍රයක් නොමැති එකම රාජ්‍යනායකයා බවත් අමාත්‍යවරයා පවසනවා.
නමුත්, හිටපු ජනාධිපති මහින්ද රාජපක්ෂ මහතාද රාජ්‍ය නායකයෙකු බව අමාත්‍යවරයාට අමතක වූ බවයි හැඟී යන්නේ.
