ආහාර ගැනීමෙන් පසු මේසය මත වැටී තිබු ඉදුල් බත් ඇට සිසුන් මගින් දිවෙන් ඇහින්දවා දඩුවම් දුන් බව කියන මාතර ගොඩඋඩ මහ විද්‍යාලයේ විදුහල්පතිනිය වහාම ක්‍රියාත්මක වන පරිදි මාතර කලාප අධ්‍යාපන කාර්යාලය වෙත ස්ථාන මාරු කල බව දකුණු පළාත් අධ්‍යාපන ලේකම් රංජිත් යාපා පවසනවා.
පාසලේදී මේසය මත විසිරෙන අයුරින් දිවා ආහාරය ගත් සිසුන් පිරිසකට එම බත් ඇට දිවෙන් ඉවත් කිරීමේ දඬුවමක් ලබාදුන් අයුරු දැක්වෙන දර්ශන පෙළක් සමාජ මාධ්‍යයේ සංසරණය වනවා. මීට දින කිහිපයකට පෙර මෙම දඩුවම ලබා දී තිබෙන අතර ඊට මුහුණ දී ඇත්තේ එම පාසලේ 10 වැනි ශ්‍රේණියේ ඉගෙනුම ලබන සිසුන් පිරිසකටයි.
විදුහල්පතිවරියගේ මෙම ක්‍රියාකලාපය පාසලේ සිටි වෙනත් අයෙකු විසින් වීඩියෝගත කර ඇත.
මේ අතර, අද (18) දිනයේදී 5 ශ්‍රේණිය ශිෂ්‍යත්ව විභාගය පැවැත්වෙන බැවින් අද දිනයේ විදුලි කප්පාදුවක් සිදු නොකරන බව ලංකා විදුලි බල මණ්ඩලය පවසනවා.
ශිෂ්‍යත්ව විභාගය විභාග මධ්‍යස්‍ථාන 2,894ක පැවැත්වෙන අතර ඊට සිසුන් 334,698ක් ඉදිරිපත් වන බව විභාග දෙපාර්තමේන්තුව සඳහන් කර තිබෙනවා.
