වත්තල ඇවරියවත්ත ප්‍රදේශය නිවසක් කොල්ලකෑමට පැමිණි පුද්ගලයෙකු නිවැසියන් ක්‍රිකට් පිත්තකින් එල්ලකල පහරදීමක් හේතුවෙන් ජීවිතක්ෂයට පත්ව ඇති බව පොලිස් මාධ්‍ය ප්‍රකාශක අජිත් රෝහණ මහතා සඳහන් කර සිටිනවා.
මෙලෙස ජීවිතක්ෂයට පත්ව ඇත්තේ කැකිරාව ප්‍රදේශයේ පදිංචි 32 හැවිරිදි පුද්ගලයෙක්.
සොරකම සඳහා පැමිණි විට නිවසේ සිටි තරුණයින් දෙදෙනෙකු විසින් මෙම පහරදීම සිදුකර ඇති අතර බරපතළ තුවාල ලැබූ පුද්ගලයා රෝහල් ගත කිරීමෙන් අනතුරුව ජීවිතක්ෂයට පත්වී ඇති බවයි පොලිසිය පවසන්නේ.
මියගිය පුද්ගලයා කිරිබත්ගොඩ, වත්තල සහ කඩවත ප්‍රදේශ වල සොරකම් රැසකට සම්බන්ධ අයෙකු බවත් පැවසේ.
