ශ්‍රී ලංකාවෙන් ඇමරිකාවට අපනයනය කරන භාණ්ඩවලට 44%ක තීරු බදු පැනවීමට ගෙන ඇති තීරණය ලාංකේය ආර්ථිකයට කම්පනයක් බව කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා පවසනවා.
මෙම තීරු බදු පැනවීම අසාමාන්‍ය තීරණයක් වුවත් එය ඇමරිකාවේ අයිතිය බවත් ඒ හේතුවෙන් ලංකාව පසුබෑමකට ලක් නොවිය යුතු බවත් අමාත්‍යවරයා මෙහිදී සඳහන් කළා.
“අපිට පසුබාන්න බැහැ. ආපස්සට හැරෙන්න බැහැ. මොකද අපිට මේක ශොක් එකක්. අපි නැගිටින්න පටන් ගත්ත වෙලාවෙම, ආර්ථිකය ඩොලරය ස්ථාවර වෙන්න පටන් ගත්ත වෙලාවෙම, අපිට economic shock එකක් වැදිලා තියෙනවා, දැන් හැබැයි අපිට ආපස්සට දුවන්න බැහැ”
