මෙවර ශිෂ්‍යත්ව විභාග ප්‍රතිඵල අඩු වී ඇත්තේ ප්‍රාථමික අධ්‍යාපනයේ කඩා වැටීම නිසා බව ගුරු සංගමයේ ප්‍රධාන ලේකම් ජෝසප් ස්ටාලින් මහතා පවසනවා.
ඔහු පවසන්නේ, ප්‍රාථමික අංශයේ දරුවන් සඳහා ප්‍රාථමික පුහුණුවක් නැති ගුරුවරුන් 20%කට වැඩි පිරිසක් අධ්‍යාපනය දීමේ නිරතවීමද ගැටලුවක් බව අධ්‍යාපන අමාත්‍යාංශයේ අධ්‍යාපන ශාඛාවේ අධ්‍යක්ෂක බද්‍රා විතානගේ මහත්මිය සකස් කළ වාර්තාවක සඳහන්ව ඇති බවයි.
කොවිඩ් අර්බුදය තුළ කුසලතා සහ අත්‍යවශ්‍ය ඉගෙනුම් නිපුණතා ඇගයිම් වාර්තාව 2023 වසරේදී නිකුත් කර ඇති බවයි ඒ මහතා පවසන්නේ.
එම වාර්තාව මගින් පෙන්වාදී ඇති කරුණු ගැන අවධානයට යොමු නොවීම නිසා දරුවන්ගේ අධ්‍යාපනය තවත් පහළටම වැටෙමින් තිබෙන බවත් වර්තමාන අධ්‍යාපන බලධාරීන්ට ද ඒ ගැන වගේවතක් නොමැති බවට පෙනී යන බවත් ස්ටාලින් මහතා වැඩිදුරටත් කියා සිටියා.
