දෙමළ ජාතික සන්ධානය නියෝජන කරන ප්ලොට් සහ ටෙලෝ පක්ෂය මෙන්ම ඊ.පී.ආර්.එල්.එෆ්, දෙමළ ජාතික පක්ෂය ඇතුළු පක්ෂ 5ක් සන්ධාන ගත වී තිබෙනවා.
ඊයේ (14) දිනයේ යාපනයේ දී මෙම සන්ධාන ගත වී සිදුව ඇති බවයි වාර්තා වන්නේ.
ඒ අනුව දෙමළ ජාතික සන්ධානයේ යටතේ තරඟ කළ ඊලාම් ජනතා විප්පලවාදී විමුක්ති පෙරමුණ, දෙමළ ඊලාම් විමුක්ති සංවිධානය සහ දෙමළ ඊලාම් මහජන විමුක්ති සංවිධානය නව සන්ධානයේ කොටස්කරුවන් වනවා.
සන්ධානයේ අනෙකුත් පක්ෂ දෙක වන්නේ හිටපු එල්ටීටීඊ සාමාජිකයින් විසින් පිහිටුවන ලද ඩිමොක්‍රටික් ක්‍රසේඩර්ස් පක්ෂය (ඩීසීපී) සහ දෙමළ ජාතික පක්ෂය (ටීඑන්පී) ය. සන්ධානය පිහිටුවීමේ ගිවිසුමට ඊයේ යාපනයේ තින්නවේලිහිදී අත්සන් තැබුවේ සුරේෂ් ප්‍රේමචන්ද්‍රන් (ඊපීආර්එල්එෆ්), සෙල්වම් අඩෛක්කලනාදන් (ටෙලෝ), ධර්මලිංගම් සිතද්දන් (ප්ලොට්), සිවානන්දන් නවීන්ද්‍ර (ඩීසීපී) සහ එන්.ශ්‍රීකාන්ත (ටීඑන්පී) විසිනි.
පාර්ලිමේන්තු මන්ත්‍රී සී.වී.ගේ නායකත්වයෙන් යුත් දෙමළ මක්කල් තේසිය කුට්ටනි (ටීඑම්ටීකේ) විග්නේෂ්වරන් සහ යාපනය හිටපු නගරාධිපති එම්.මනිවන්නන් යන මහත්වරුන්ද සන්ධානය සම්බන්ධයෙන් සාකච්ඡා කර තිබෙනවා.
කෙසේ වෙතත්, නව සන්ධානයේ ලාංඡනය සහ මහලේකම් තනතුර සම්බන්ධයෙන් ඇති වූ මතභේදයක් හේතුවෙන් ඔවුන් සිකුරාදා සාකච්ඡාවලින් ඉවත්ව ගියා.
දෙමළ ජාතික සන්ධානයේ ප්‍රධානතම පාර්ශ්වය වන ඉලංකෙයි තමිල් අරසු කච්චි (ITAK) පළාත් පාලන මැතිවරණයට තම නිවෙස් ලකුණ යටතේ වෙනම තරග කිරීමට තීරණය කර ඇති බැවින් එම පක්ෂය මෙම සාකච්ඡාවට සම්බන්ධ වුයේ නැහැ.
ඉදිරි පළාත් පාලන මැතිවරණයේදී උතුරු සහ නැගෙනහිර පළාත් දෙකෙහිම අපේක්ෂකයන් ඉදිරිපත් කිරීමට නව සන්ධානය සැලසුම් කර ඇති බවයි ආරංචි මාර්ග පවසන්නේ.
