අමෙරිකානු හිටපු ජනාධිපති ඩොනල්ඩ් ට්‍රම්ප් අධිකරණය හමුවේ පෙනී සිටීම සඳහා නිව්යෝර්ක් නුවරට පැමිණ තිබෙනවා.ඒ, ට්‍රම්ප්ට එරෙහිව එල්ල වී ඇති අපරාධ චෝදනාවක් සම්බන්ධවයි.
2016 වසරේදී සිය මැතිවරණ ව්‍යාපාරයේදී අසභ්‍ය චිත්‍රපට නිළියකට මුදල් ගෙවීමක් සම්බන්ධයෙන් නිව්යෝර්ක් ජූරි සභාව ට්‍රම්ප්ට එරෙහිව අධි චෝදනා ගොනු කරනු ලැබුවා
නිව්යෝර්ක් නගරයේ ට්‍රම්ප් ටවර් හි නීතීඥවරුන්ගෙන් උපදෙස් ලබා ගනිමින් තවදුරටත් එහි රැඳී සිටින බව විදෙස් මාධ්‍ය වාර්තා කරනවා.
විදෙස් මාධ්‍ය වාර්තා කරන්නේ අද(04) අමෙරිකාවට ඓතිහාසික දිනයක් ලෙසයි ඒ මින් පෙර කිසිදු පාර්ලිමේන්තු මන්ත්‍රීවරයෙකු හෝ හිටපු එක්සත් ජනපද ජනාධිපතිවරයෙකු අපරාධ චෝදනාවලට පිළිතුරු දීමට අධිකරණ ශාලාවක් තුළට නොපැමිණීම හේතුවෙනුයි.
මේ අතර ට්‍රම්ප්ගේ නඩු විභාගයට පෙර නිව්යෝර්ක් පොලිසිය දැඩි අවධානයෙන් සිටින බවත් අධිකරණ ගොඩනැගිල්ල වටා බාධක ඉදිකර ඇති බවත් විදෙස් මාධ්‍ය සඳහන් කරනවා
