චීනයට හමුදා තොරතුරු ලබාදීමේ චෝදනාව මත කැලිෆෝනියාවේ දී අමෙරිකානු නාවික හමුදාවේ සාමාජිකයින් දෙදෙනෙකු අත්අඩංගුවට ගෙන තිබෙන බව විදෙස් මාධ්‍ය පවසනවා.
විදෙස් මාධ්‍ය වාර්තා කරන්නේ ජාතික ආරක්ෂක තොරතුරු චීන නියෝජිතයෙකුට යැවීමට කුමන්ත්‍රණය කළ බවට එක්සත් ජනපද පුරවැසියෙකු වන 22 හැවිරිදි Jinchao Wei ට චෝදනා එල්ල වී තිබෙන අතර ඡායාරූප සහ වීඩියෝ ලබාදී මුදල් ලබා ගැනීමේ චෝදනාව මත 26 හැවිරිදි Wenheng Zhao අත්අඩංගුවට ගෙන ඇති බවයි.
මෙම පුද්ගලයින් දෙදෙනාම කැලිෆෝනියාවේ දී අත්අඩංගුවට ගෙන තිබෙනවා.
මෙතෙක් එල්ලකරන ලද චෝදනා පිළිබඳ චීනය කිසිදු ප්‍රකාශයක් සිදුකර නොමැති බවද සඳහන්
ජාතික ආරක්ෂක තොරතුරු චීන නියෝජිතයෙකුට යැවීම සම්බන්ධයෙන් Jinchao Wei වරදකරු වුවහොත් ඔහුට ජීවිතාන්තය දක්වා සිරදඬුවම් නියම වන බවත් Wenheng Zhao ට එරෙහි චෝදනාවලට අනුව වසර 20ක උපරිම සිර දඬුවමක් හිමිවන බවත් විදෙස් මාධ්‍ය පවසනවා.
ඉන්දු-පැසිෆික් කලාපයේ මහා පරිමාණ එක්සත් ජනපද හමුදා අභ්‍යාසයක් පිළිබඳ තොරතුරු ලබාදීම සඳහා චීන බුද්ධි නියෝජිතයෙකු විසින් Wenheng Zhao ට ඩොලර් 15,000 කට ආසන්න මුදලක් ගෙවා ඇති බවටද චෝදනා එල්ල වී තිබෙනවා.
